6rob
25-06-2005, 04:45 AM
والله انك تدعين الجهل وانتـي تعرفيـن
......يوم قلتي لك عبـاره مالهـا ايـة مجـال
يوم رحتي تتبعين افكـار نـاسٍ خايبيـن
......حملوك بكلمتين وقلتـي انهـا راس مـال
قلتي ان اصل البشر مخلوق من ماءٍ وطين
......بس ماهم بالبدو الظاهر انهم مـن حثـال
والله انك قلتي الكلمه ولا انتـي تدركيـن
......انها صارت قضيه لـك ولا فيهـا جـدال
يوم قلت لك اركدي رحتي علي تتضاحكين
......والله ان كني جنوب وكنك بضحكك شمـال
والله اني في البداوه اصل نسـل الأوليـن
......والله اني في البداوه عابرٍ تسعيـن جـال
والله اني في البداوه لا اهين ولا استهيـن
......والله اني في البداوه من عمام ومن خوال
والله اني ابدوي قاسي ولا عمـره يليـن
......والله اني ابدوي ماعشت في ليـن ودلال
والله اني ابـدوي ولا تغيرنـي السنيـن
......ابدوي نسل ابدوي ماهو يغير في المقـال
والله ان حن في البداوه على خلقٍ وديـن
......صايمـيـن وساجـديـن ولله الكـمـال
الكرم موجود فينا كل وقـت وكـل حيـن
......والشجاعه نسل اهلنا إليـا صـار القتـال
وجارنا يبشـر بعـزه وحنـا لـه نعييـن
......من تصاريف الزمن حنا انخلقنـا للثقـال
فعلنا مثل (القمر) لاغاب لابـد ان يبيـن
......وفعلنا ايشابه (الصوان) في رووس الجبال
حن خلقنا للشكالـه اخـذي علـمٍ يقيـن
......الطفل منا ايساوي منكـم عشـرة رجـال
طفلنا يا بنت ياتي علـى الفطـره فطيـن
......وإن هرج قلتي كلامه شايبٍ كلـه جـزال
ادري انك لا لمحتي قاف شعري بتسرحين
......بس قولي وش جوابك على هذا السـؤال
بأيش ضروك البدو يوم رحتي تجرحيـن
......(البدو ماهم حثالـه انتـي والله الحثـال)
للشاعر / راشد ال سالمين
أنشاء الله القصيده نالت اعجاب الكل.
......يوم قلتي لك عبـاره مالهـا ايـة مجـال
يوم رحتي تتبعين افكـار نـاسٍ خايبيـن
......حملوك بكلمتين وقلتـي انهـا راس مـال
قلتي ان اصل البشر مخلوق من ماءٍ وطين
......بس ماهم بالبدو الظاهر انهم مـن حثـال
والله انك قلتي الكلمه ولا انتـي تدركيـن
......انها صارت قضيه لـك ولا فيهـا جـدال
يوم قلت لك اركدي رحتي علي تتضاحكين
......والله ان كني جنوب وكنك بضحكك شمـال
والله اني في البداوه اصل نسـل الأوليـن
......والله اني في البداوه عابرٍ تسعيـن جـال
والله اني في البداوه لا اهين ولا استهيـن
......والله اني في البداوه من عمام ومن خوال
والله اني ابدوي قاسي ولا عمـره يليـن
......والله اني ابدوي ماعشت في ليـن ودلال
والله اني ابـدوي ولا تغيرنـي السنيـن
......ابدوي نسل ابدوي ماهو يغير في المقـال
والله ان حن في البداوه على خلقٍ وديـن
......صايمـيـن وساجـديـن ولله الكـمـال
الكرم موجود فينا كل وقـت وكـل حيـن
......والشجاعه نسل اهلنا إليـا صـار القتـال
وجارنا يبشـر بعـزه وحنـا لـه نعييـن
......من تصاريف الزمن حنا انخلقنـا للثقـال
فعلنا مثل (القمر) لاغاب لابـد ان يبيـن
......وفعلنا ايشابه (الصوان) في رووس الجبال
حن خلقنا للشكالـه اخـذي علـمٍ يقيـن
......الطفل منا ايساوي منكـم عشـرة رجـال
طفلنا يا بنت ياتي علـى الفطـره فطيـن
......وإن هرج قلتي كلامه شايبٍ كلـه جـزال
ادري انك لا لمحتي قاف شعري بتسرحين
......بس قولي وش جوابك على هذا السـؤال
بأيش ضروك البدو يوم رحتي تجرحيـن
......(البدو ماهم حثالـه انتـي والله الحثـال)
للشاعر / راشد ال سالمين
أنشاء الله القصيده نالت اعجاب الكل.